Overnatting
Overnatting på Fannaråkhytta må bestillast på førehand
Fannaråkhytta er svært populær, og har små bygg med begrensa plass. Difor kan det verte naudsynt å gå ned igjen same dag viss ein ikkje har bestilt overnatting på førehand.
Organiserte turar som skal overnatte, må kontakte Fannaråkhytta i god tid før turen.
Praktisk informasjon
Husk å ha med lakenpose eller sengetøy når du skal overnatte. Vi sel eingongslakepose på hytta, til dei som gløymer å pake med seg sengeklede.
Hytta ligg på toppen av Fannaråken og tilgangen til drikkevatn varierar. Det kan difor vere lurt å ha med nok vatn til å drikke medan du er hjå oss. Det kan stort sett fyllast vatn i bekkane på veg opp til toppen.
Hytta har totalt 34 sengeplassar.